رسالة مؤثرة من اعلامية لبنانية الى الاب منصور لبكي.

الاعلامية العريقة ليليان اندراوس كتبت هذه الرسالة المؤثرة الى الاب منصور لبكي. وتوجهت من خلالها إلى الرأي العام:

"ما كنت بدي اكتب  لان الله شايف وعارف كل شي وكل الحقيقة.. 

 بس كصديقة لازم نقول الكلام الحلو  عنو متل ما  قالو  كلام  ما بيشبهو ولابليق فيه ابدا... وقت قريت القرار اول شي مر ببالي قصة بعرفها عنو غير  تراتيلو انجازاتو الفكرية الادبية الانسانية وجوايزو العالمية..  قصتو ،قصة تضحية،  قصة كاهن نوراني شاب خادم رعية ، رعية الدامور حبن وحبو وكان درع الايمان  الن وقت الصعاب هل كاهن الشاب 

واجه بمحبة وتسامح اكبر مجزرة في لبنان  مجزرة الدامور سنة 1976.

 ليلة المجزرة جمع بكنيسة مار الياس لي بقي من اهل الضيعة ليحميهم من الغزاة وصارت المجزرة الفظيعة والتهجير.

  بهل لكنيسة  معن  رفع الصلوات  والدم عم بسيل بالطرقات والقذايف عم تدك لبيوت دك، الاهالي ما عاد لاقو بعضهم، جمعهم وخلا دموع الاطفال الكهول والنساء تشع امل ورجا ، بمعونةيسوع والروح القدس بعد عنن الخوف طبب روحهم جروحاتهم واجسادهم، سد جوعهم بكلمة الله  وكان بالنسبة الن بعد الله خشبة الخلاص   الغدر زادو صمود  ليحمي  رعيتو كان مستعد يضحي بحالو كرمالن، بسال حالي…معقولي معقولي هل كاهن الشاب  لي طبب وحمى اجساد يطعن بجسد اكيد لا  ويلي يسوع ساكن روحو  معقولة الشيطان يلاقي مطرح  فييا اكيد لا، بس الشيطان  رح يحاول يكسر روحو..

يا يسوع رحمتك.

صديقي الاب هيك بتحب نسميك مش مونسينيور بقلك الله متل ما كان معك رح يضلو معك والحق ما بموت  وشوف شو عملو ببادري بيو وبادري بيو ووين صار.. 

الله يحميك..

ليليان اندراوس. "